عدد الرسائل : 3 العمر : 36 تاريخ التسجيل : 01/08/2007
موضوع: ياشين ثرثرة الحريم في الاسواق ... الأربعاء أغسطس 01, 2007 3:11 am
مرحبا بناتات ورجالات شلونكم طيبين
العنوان مغري شوفو اليوم خطر في بالي حاجه تحصل في مجتمعنا البناتاتي والاجتماعي خلوني اشرح بشكل مفصل << تربعت بقولكم عن اشياء تقهرني بالسوق من الحريم طبعا مافيه بنت ماتروح السوق << بالله في السوق تشوفون مشاهد كثيره واغلبها ترفع الضغط والسكر والقولون
بقولكم انا وش يقهرني ...
انا يقهرني اللي بالسوق وهي جوالها بأذنها تكلم وتسولف المشكله مو كلمه ورد غطاها لا سواليف سواليف واصواتهم عاليه يعني تسمعين وش تقول انا عندي أخت وخاله من هالنوع ماتحلا لهم السواليف الا اذا كانو بالسوق وحتى اذا دخلنا مقهى نتقهوى تكلم يرتفع ضغطي من جدددددددددد يعني ماتقدر تأجل هالسواليف لما ترجع للبيت ؟
انا اذا دق جوالي وانا برا مستحيل ارد الا للضروره اذا كانو اهلي او خواتي او اذا كنت مواعده صديقاتي بمجمع يعني اعرف وين مكانهم ومن هالقبيل اما السوالف ودق حنك لا
الشي الثاني ابي اقولكم ياشين الطيحه بالسوق
ياهي فشيله مابعدها فشيله مره كنت طالعه انا واختي نبي نروح للراشد المهم السواق طلع السياره برا واختي كانت بالسياره وجيت انا طبعا بيتنا لما اطلع من الباب الخارجي فيه زي الدرج بس بمستوى واحد وكان عالي شوي وكنت لابسه كعب وانا نازله طبعا كل هذا قدام السواق وبرعايه من عيون اختي ابي انزل حطيت رجلي مدري وش اللي صار ماحسيت الا يوم خدي يحب الشارع انا من الصدمه ماستوعبت اللي صار ههههههههههه واطالع بالسواق وهو ميت من الضحك واختي ماتكرمت تنزل تشوف اختها لقيتها ميته ضحك تقول لي انا اشوف زولك وانتي جايه وبعدين اختفى فجأه والله العظيم من قوه الصدمه والبرستيج اللي خرب قدام السواق عبايتي كلها غبار بس كنت مصره اروح ورحت وعبايتي مغبره ماستوعبت الا لما دخلت المجمع ونظفت التراب شوي وانا امشي بعد ما رجعت لي حالتي الطبيعيه حصل شي ماهو اعنف وافظع من الطيحه انقطعت جزمتي وانتم بكرامه يالله الروحه ذيك منحوووووسه من جد وارجع للسياره اجر اذيال الخيبه احس اختي في خاطرها تقول لي هذا وجهي ان اخذتك معي مره ثانيه ههههههههههههههه ومره طحت بكورنيش الخبر قدام الناس كنت مع بنات عمتي وخواتي نمشي وألتوى ساقي وطحت انا مت ضحك مع اني تألمت من الفشيله طبعا اضحك وبنت عمتي تقول لي قومي فشلتينا الحين لما اشوف احد يطيح ماضحك اخاف ربي يعاقبني بس مره ضحكت على وحده شاميه غصب عني في مجمع تمشي الاخت بكل خيلاء وكنت انا جالسه في مقهى مفتوح يعني اشوف الرايح والجاي وكانت ارضية المجمع فيها زي المربعات حديد طالعه شوي مسكينه كانت مستعجله ومعها اكياس من سيتي بلازا << قزتها المهم وهي تمشي وتطيح على وجهها وتناثرت اغراضها قدام الناس مسكينه << توها تحس بتأنيب الضمير
الحين بنات / شباب ابيكم تقولون لي وش الحركات اللي تكرهونها من البنات/العيال في السوق؟ وثانيا ً هل سبق وطحتي/طحت.. بمكان عام سوق / كورنيش/ مجمع ؟ ووش كان شعورك ؟
مدار مديــــر
عدد الرسائل : 155 تاريخ التسجيل : 21/07/2007
موضوع: رد: ياشين ثرثرة الحريم في الاسواق ... الأربعاء أغسطس 01, 2007 3:30 am
لووووووووووووووووووول تسلمين على الموضوع اكثر من رائع ولاتحرمينا من جديدك
أضـــــــــواء مديـــر عام
عدد الرسائل : 336 العمر : 39 تاريخ التسجيل : 21/07/2007
موضوع: رد: ياشين ثرثرة الحريم في الاسواق ... الأربعاء أغسطس 01, 2007 5:25 am
ايه والله كل شي والا الطيحة بس تصدقين مره طحت بس مو بسوق لا وانا نازله من السياره
تكرفعت على وجهي خخخخخخخ بس من بعدها صار الوضع ايزي
يعطيك العافيه على الموضوع والمجهود المميز
وصايف نجد مـــشـــرفـة دنــيــا الــمرأة
عدد الرسائل : 286 تاريخ التسجيل : 28/07/2007
موضوع: رد: ياشين ثرثرة الحريم في الاسواق ... الأربعاء أغسطس 01, 2007 7:21 am
دالي انا دايم اطيح بس اذا طحت ابرد حرتي بلي جنبي يعني اطق اي وحده جنبي وحده على بالها تصرف بس الي جنبي مايقصرون يزعلون لاني مخليت الفشيله علي بالحالي
وعلى طاري المكالمات في سوق انا ماطيقها احسها مرره احراج وعيب